МУИС-ийн Экологийн боловсролын төвийн зохион байгуулж буй жимс, жимсгэнийн тарьц суулгацын үзэсгэлэн худалдаа өнөөдөр болж байна. “Байгаль дэлхийгээ хамгаалж, бүгдээрээ зүлэг мод тарьцгаая” уриан дор болж буй эл үзэсгэлэнгийн үеэр иргэд, аж ахуйн нэгжид мод, суулгац тарих талаар мэргэжлийн зөвлөгөө өгч, жимс, жимсгэний суулгац худалдаалах аж. Тухайлбал, нохойн хошуу, чацаргана, буйлсны суулгацыг 2500-3000, тэхийн шээг, тошлой, үхрийн нүд зэргийг 2000-3500 төгрөгийн хооронд худалдаалах аж. Харин гацуур, нарс, шинэс зэрэг модны суулгац 20-30 мянган төгрөгийн үнэтэй байна.