Нийслэлийн нутаг дэвсгэрт үйл ажиллагаа явуулж буй шингэрүүлсэн хий, газрын тосны бүтээгдэхүүний агуулах, худалдан борлуулах цэгүүдийг шалгахаар болжээ. Энэ дагуу НЗДТГ-ын Хяналт-шинжилгээ, үнэлгээний хэлтсийн дарга Х.Гантулга, Нийслэлийн Онцгой байдлын газрын орлогч дарга бөгөөд Гал түймэртэй тэмцэх, урьдчилан сэргийлэх хяналтын хэлтсийн дарга, Нийслэлийн Онцгой байдлын Гал түймэртэй тэмцэх хэлтсийн дарга, дэд хурандаа Д.Эрдэнэбаатараар ахлуулсан ажлын хэсэг гарсан байна. Шалгалтаар  Барилгын тухай хууль,  Галын аюулгүй байдлын тухай хууль, Байгаль орчинд нөлөөлөх байдлын үнэлгээний тухай хууль, тогтоомжийн хэрэгжилтийг шалгах аж.  Энэ сарын 14-нөөс эхлэн ажлын долоо хоногт шалгах юм байна.