Улсын Дээд шүүх болон нийслэл, дүүргийн шүүгчдэд “Үзэл бодлоо илэрхийлэх эрх чөлөө, хэвлэл мэдээллийн эрх зүй” сэдвээр өчигдөр номын дуу сонсголоо. Энэ сургалтыг “Глоб интернэшнл” ТББ, Хууль зүйн үндэсний хүрээлэн, ЮНЕСКО-гийн Монголын үндэсний комисс болон “Отгонтэнгэр” их сургууль хамтран зохион байгуулсан юм. “Хуульчдыг үзэл бодлоо илэрхийлэх эрх чөлөөгөөр мэргэшүүлэх нь” төслийн хүрээнд энэхүү сургалтыг зохион байгуулж буйгаа зохионбайгуулагчид хэлж байв. Шүүгчдэд кредит олгох энэ удаагийн сургалтыг  АНУ-ын хуульч Даниел Байрон удирдсан юм. Бүтэн өдрийн турш үргэлжилсэн сургалтаар шүүгчдэд Монголын хэвлэл мэдээллийн эрх зүйн өнөөгийн байдал, АНУ-ын хууль, Европын хүний эрхийн шүүх, НҮБ-ын хэм хэмжээ, АНУ болон Монголын Сэтгүүл зүйн салбарт тулгамдаж буй асуудал, сэтгүүлчийн үйл ажиллагаа дахь эрх зүйн зохицуулалт зэрэг сэдвээр хичээл заажээ.