ДЭМБ-ын  63 дугаар чуулганы гурав дахь өдрөө үргэлжилж байна.  Чуулганд манай орны төлөөлөгч НЭМБХЗГ-ын С.Төгсдэлгэр "Анхаарлын гадуур орхигдсон халуун орны өвчлөлтэй тэмцэх бүсийн үйл ажиллагааны төлөвлөгөө (2012-2016)-ний төслийг дэмжиж байгаагаа илэрхийлээд  халуун орны халдварт өвчлөлүүдийн "холын садан" болох зоонозын халдварууд  гадуур орхигдож байгаад шүүмжлэлтэй хандаж байгаагаа мэдэгдлээ. Тэрээр Монгол улс нь дэлхий дээр хүний бруцеллёз өвчний өвчлөл хамгийн өндөртэй хоёр улсын нэг болохыг тэмдэглээд, ДЭМБ-ыг боом, бруцеллёз, малаас хүнд дамжих сүрьеэгийн өвчлөл, лептоспироз гэх мэт зоонозын халдваруудтай тэмцэхэд анхаарал хандуулахыг  хүссэн юм.  Харин ДЭМБ-ын зүгээс хариу зоонозын халдварт өвчин, ялангуяа хүний бруцеллёз, бэтэг өвчнөөс сэргийлэх, хянах асуудалд ДЭМБ анхаарлаа нэмэгдүүлэх болно гэлээ.