Нийслэлийн ИТХ-ын ээлжит бус III хуралдаан Нийслэлийн нутаг дэвсгэрт хууль бусаар газар олгох асуудлыг цэгцлэх, хот байгуулалтын тухай асуудлаар намын бүлгүүд, төлөөлөгчдөөс гаргасан саналаар тогтоолын төсөл боловсруулж   санал хураалаа.  АН-ын бүлэг нийслэлийн төвийн 1300 га газрын хил хязгаар дотор дуудлага худалдаа, төсөл сонгон шалгаруулах, тохижилтын ажлаас бусад зориулалтаар газар олгохыг хориглох санал дэвшүүлснийг төлөөлөгчид 100 хувийн саналаар дэмжлээ.
Мөн явган хүний зам, орц гарц, СӨХ, сургууль, цэцэрлэг, эмнэлгийн байгууллага, ундны усны эх үүсвэр орчимд олгосон газрын болон барилгын зөвшөөрлыг хүчингүй болгох, нийслэлийн инженерийн шугам сүлжээний байгууламж дээр хууль бусаар олгосон газрын зөвшөөрлийг хүчингүй болгох зэрэг АН-ын бүлгийн саналууд дэмжлэг авлаа.  
Төлөөлөгчид нийслэлийн өмчийг нэн даруй тоолох, арьс шир, тоосгоны үйлдвэрүүдийг нийслэлээс гаргах, хайрганы карьеруудыг цэгцлэх санал гаргасныг мөн зүйтэй гэлээ.
Шинээр гаргасан тогтоолыг НИТХ-ын дарга Д. Баттулга түүхэн шийдвэр гэлээ.