ОХУ-ын Холбооны аюулгүй байдлын албаны Алтайн бүгд найрамдах улсын  Удирдах газрын албан хаагчид Оросоос Монгол руу хууль бусаар зэвсэг оруулдаг бүлэг хүнийг их хэмжээний  сум хэрэгсэлтэй явж байхад нь илрүүлэн браивчилсан байна. Тус албаны хэвлэлийн албанаас мэдээлснийг үзвэл Тувагийн нэг, Алтай бүгд найрамдах улсын Кош-Агач тосгоны хоёр, монголын нэг иргэн байжээ. Тэд Томск болон Алтайн хязгаараас сум хэрэгсэл авч Кош-Агачид авчраад хил давуулан монголын иргэдэд өгдөг байсан байна. Энэ удаа тэднийг баривчлахад 50 мянга орчим сум, задалсан буу зэвсэг гарчээ. Бүлгийн өөр ямар ямар гишүүн байгаа, хил давуулдаг ямар суваг байгааг мөрдөн шалгаж байгаа юм байна.