Хөвсгөл аймгийн Цагаан-Уул суманд боомын халдвар гарч хорио цээрийн дэглэм тогтоосон байна. Одоогоор хэчнээн мал халдварлаад байгааг тогтоож амжаагүй бөгөөд аймгийн Онцгой байдлын хэлтэс, мал эмнэлгийнхэн газар дээр нь ажиллаж байгаа гэнэ. Мөн Булган аймгийн Булган сумын малчин 68 настай Т-г боомоор өвчилсөн байж болзошгүй гэж эмч нар урьдчилсан дүгнэлт гаргажээ. Түүнийг аймгийн Нэгдсэн эмнэлгийн Халдвартын тасагт хэвтүүлэн эмчилж байгаа бөгөөд шинжилгээний дээжийг Сэлэнгэ аймгийн лаборатори руу илгээсэн байна