Монголын чөлөөт бөхийн холбооны тамирчдын оролцох УАШТ болон ДБНХ-ны  2024 оны календарьчилсан төлөвлөгөөнд багтсан олон улсын чанартай тэмцээнүүдийн товыг баталжээ.

• Ирэх 2024 оны нэгдүгээр сарын 11-14-ний өдрүүдэд насанд хүрэгчдийн УАШТ Улаанбаатар хотод

• Хоёрдугаар сарын 22-25-ны өдрүүдэд “U23” насны ангиллын УАШТ

•  “U17” насны ангиллын УАШТ-ийг гуравдугаар сарын 21-24-ний өдрүүдэд Орхон аймгийн Эрдэнэт хотод

• “U15” насны ангиллын УАШТ-ийг дөрөвдүгээр сарын 18-21-ний өдрүүдэд Өмнөговь аймаг

• “U20” насны ангиллын УАШТ-ийг Төв аймагт зохион явуулахаар болсон байна.

Дэлхийн бөхийн нэгдсэн холбоо, “UWW”-ийн календарьчилсан төлөвлөгөөнд орсон тэмцээний хуваарь гарсан. Тус хуваарьт орсон тэмцээнүүдэд МЧБХ-ны Үндэсний шигшээ багийн тамирчдын оролцох тэмцээнүүд тодорхой болжээ.

2024 оны нэгдүгээр сарын 10-14-ний өдрүүдэд Хорват Улсын Загреб хотод “Zagreb open” дэлхийн чансааны тэмцээн болох юм.

Нэгдүгээр сарын 19-21-ний өдрүүдэд Франц Улсын Ницц хотод “De Frabce Henri Deglane” гран при, гуравдугаар сарын 7-10-ны өдрүүдэд Туркийн Анталья хотод “Yasar Dogu” нэрэмжит тэмцээн, дөрөвдүгээр сарын 11-16-ны өдрүүдэд Киргизстаны Бишкек хотод Ази тивийн аварга шалгаруулах тэмцээн, Азийн аваргын дараа дөрөвдүгээр сарын 19-21-ний өдрүүдэд Киргизстаны Бишкек хотод Ази тивийн олимпын эрх олгох тэмцээн болно.

Харин тавдугаар сарын 9-12-ны өдрүүдэд Туркийн Истанбул хотод  дэлхийн олимпын эрх олгох тэмцээн явагдана. Зургадугаар сарын 6-9-ний өдрүүдэд Унгар Улсын Будапешт хотод дэлхийн чансааны тэмцээн, зургадугаар сарын 20-24-ний өдрүүдэд Польш Улсын Варшав хотод “Ziolkowski Pytlasinski” нэрэмжит  Польшийн нээлттэй тэмцээн, долдугаар сарын 5-7-ны өдрүүдэд Испани Улсын Мадрид хотод  гран при тэмцээн, наймдугаар сарын 5-11-ний өдрүүдэд Франц Улсын Парис хотод олимпын наадмын чөлөөт бөхийн тэмцээн тус тус болох хуваарь гарсан байна.