“National Geographic” групп 2024 онд заавал зочлох 20 шилдэг музей, соёлын өвийн нэгээр Чингис хаан Үндэсний музейг нэрлэжээ. Тус медиа групп жил бүр жуулчдад зориулан, аялахад таатай болон заавал үзэх газруудын жагсаалтыг гаргаж, олон нийтэд танилцуулдаг.
Энэ жилийн заавал үзэх 20 музейн жагсаалтад Монгол Улсаас анх удаа Чингис хаан Үндэсний музей багтлаа. Ингэснээр Чингис хаан Үндэсний музейг олон улсын шинжээчид дэлхийн хэмжээнд хүлээн зөвшөөрч, Азийн шилдэг музейнүүдийн эгнээнд багтааж байгаа юм.
Чингис хаан Үндэсний музейн барилга талбайн хэмжээгээр Ази тивд 10-т эрэмбэлэгдэнэ.
