ОХУ-ын Ерөнхийлөгч В.Путины БНАСАУ-д хийх айлчлалын бэлтгэл хийгдэж байгаа тухай Кремлийн хэвлэлийн нарийн бичгийн дарга Дмитрий Песков бямба гаригт ТАСС агентлагт өгсөн ярилцлагадаа мэдэгдэв. Кремлийн албан ёсны төлөөлөгчийн мэдээлснээр айлчлалын бэлтгэл ажил хэвийн үргэлжилж байгаа аж.

Нэгдүгээр сард БНАСАУ-ын Гадаад хэргийн сайдын зөвлөх Солонгосын ард түмэн Владимир Путиныг анд нөхрөө хэмээн үздэг бөгөөд түүнийг халуун дотноор хүлээн авахад бэлэн гэж мэдэгдэж байв. Өнгөрсөн оны есдүгээр сард БНАСАУ-ын тэргүүн Ким Жон Ун ОХУ-д албан ёсны айлчлал хийсэн юм.