УИХ-ын гишүүн асан Ц.Оюунгэрэл даргатай Иргэдийн оролцооны нэгдсэн нам нэр дэвшигчдээ тодруулжээ. Тус нам жагсаалтаар М.Мөнхцэцэг, Б.Төрхүү, Р.Отгончимэг, Д.Наранбаатар гэсэн дөрвөн хүнийг нэр дэвшүүлсэн байна. Харин намын дарга Ц.Оюунгэрэл нь УИХ-ын сонгуулийн 12 дугаар тойрог буюу Хан-Уул дүүрэгт нэрээ дэвшүүлжээ.

Тус тойрогт АН-аас Э.Тамир, Ч.Лодойсамбуу, Б.Ариунболд нар дэвшиж байгаа юм. Харин МАН-аас хэн хэн нэр дэвшиж байгаа нь одоогоор тодорхойгүй байна. МАН нэр дэвшигчдээ албан ёсоор олон нийтэд зарлаагүй байгаа юм.