Энэ долоо хоногийн пүрэв гарагт Бурхан багшийн их дүйчин өдөр тохиож, бүх нийтээрээ амарна.
Бүх нийтийн тэмдэглэлт баярын өдрөөр Хятад, Оросын хилийн боомтуудыг түр хаах хэлэлцээртэй байдаг. Үүний дагуу 2024 оны тавдугаар сарын 23-нд Монгол, Хятадын Замын-Үүд, Бургастай, Шивээхүрэн, Гашуунсухайт, Ханги, Бичигт, Баянхошуу, Хавирга, Сүмбэр авто замын боомт амрах бол Булган, Байтаг боомтыг хаахгүй аж.
Монгол, Оросын Цагааннуур, Боршоо, Тэс, Арцсуурь, Ульхан авто замын боомт түр хаагдаж, Алтанбулаг, Эрээнцав, Ханх авто замын боомт ажиллана.
Харин агаарын болон төмөр замын боомтын үйл ажиллагаа хэвийн үргэлжлэх юм байна.
