Нийслэлийн хэмжээнд энэ онд нийслэлийн есөн дүүргийн 99 байршилд 15 нэр зүйлийн 1.5 сая орчим цэцэг тарихаар төлөвлөжээ. Өнөөдрийн байдлаар нийт 150 мянга гаруй цэцэг тарьсан бөгөөд 30 хувийн гүйцэтгэлтэй явж байгааг албаныхан мэдээллээ.

Энэ талаар мэдээллийг НЗДТГ-ын Хот тохижилт, цэцэрлэгжүүлэлтийн хэлтсийн дарга С.Эрдэнэсайханаас тодруулахад, тэрбээр “Өнгөрсөн жил бид нийслэлийн хэмжээнд мөн тооны буюу 1.2 сая орчим цэцэг тарьсан. Энэ онд 1.5 сая цэцгийг зургадугаар сарын 10-н гэхэд тарихаар төлөвлөсөн. Бид ногоон байгууламжийн арчилгааг 25 аж ахуй нэгж байгууллагуудтай хамтран гүйцэтгэдэг. Аж ахуйн нэгж байгууллагуудтай хамтран ажиллах хүрээнд гэрээний 30 хувьд ногоон байгууламжийг нэмэгдүүлэх ажлыг тогтмол хийдэг. Харин нийслэлийн Захирагчийн ажлын албанаас массын цэцэг тарих ажлыг хийж гүйцэтгэдэг гэв.

Улаанбаатар хотын найман байршилд байгаа цэцгийн хийцлийг дүүргэх ажлууд хийж байна. Энэ жил 25 хийцлийг нэмнэ.