Жагсаал, цуглаан. Үүнийг бид өдөр болгон сонсоод бараг чих дөжрөх нь. Иргэд янз бүрээр л жагсч цугладаг болж. Зарим нь эрх ашгийнхаа төлөө жагсч байхад, зарим нь бусдын төлөө тэмцэж, жагсаал зохион байгуулж, түүнээсээ болж шоронд орох нь ч бий. Бүр бусдын төлөө өлсч байгаа нь энүүхэнд. Гэхдээ л жагсаал хийж байгаа нөхдүүд нэг л худлаа санагдаад байдаг юм. Яагаад гээч, жагсаал цуглаан зохион байгуулж, тэргүүлсэн хүн хэзээ ч үнэн сэтгэлээсээ жагсдаг нь юу л бол.
Иргэний хөдөлгөөнийхөн гэж бид мэднэ дээ. Тэд бол жагсаал цуглаанаар далимдуулж, шантааж хийдэг. Байгаль орчны төлөө, бусдын сайн сайхны төлөө гэж байгаа ч яг үнэндээ өөрсдийнхөө амьдралыг л бодоод л хэдэн төгрөгөнд худалдагдаад л дуусдаг.
Тэгвэл өнөөдөр МОХ “Оюутны талбайгаа аваръя” гэж эсэргүүцлийн жагсаалыг “BLUEMON” гэдэг компанийн эсрэг хийхээр зэхэж байна. Жагсаал өнөөдөр 11 цагаас болох аж. Тэгэхээр оюутнууддаа хандаж хэлэхэд, МОХ-ны нөхдийг хараарай. Цаадуул чинь та нараар далимдуулж тус компаниас мөнгө “хусах” вий дээ. Жагсаалын цаадах маафаан ердөө л энэ шүү. Товчхондоо гэвэл та нараар далимдуулж цаадуул чинь л мөнгө аваад чимээгүй болно. Тэртээ тэрэнгүй нэгэнт зогсоол болгочихсон талбайг тэд чөлөөлж чадахгүй. Тэгээд ч тэнд машинаа тавьсан хүмүүс та нарын талбайг санаатайгаар булааж аваагүй. Хэрэв чөлөөлөөд өг, ямар нэгэн арга хэмжаа зохион байгуулъя гэвэл чөлөөлөөд өгч л таараа. Тэгэхээр жагсаалаар далимдуулах вий дээ МОХ-ныхон.