ЦЕГ-ын дарга Б.Билэгтийн тушаалаар хөрөнгө, орлогоо нуусан зарим хурандааг ажлаас нь халсан тухай бид өмнө нь мэдээлсэн. Тэдний оронд өөр хүн томилох тушаалыг ч Б.Билэгт дарга гаргасан байна. Тухайлбал, П.Эрдэнэчулууныг Мэдээлэл, шуурхай удирдлагын төвийн даргаар,  М.Отгонбаярыг Төмөр зам дахь цагдаагийн хэлтсийн даргаар,  Л.Батбаярыг  Баянгол дүүргийн Засаг даргын дэргэдэх Цагдаагийн хэлтсийн даргаар, Г.Эрхэмбаярыг  Чингэлтэй дүүргийн Засаг даргын дэргэдэх Цагдаагийн хэлтсийн даргаар, Б.Даваазулыг Орхон аймгийн Засаг даргын дэргэдэх Цагдаагийн газрын даргаар, Ц.Намсрайжавыг  Дархан-Уул аймгийн Засаг даргын дэргэдэх Цагдаагийн газрын даргаар томилжээ.