Манай орон цахилгаанаа үйлдвэрлэсэн өртгөөс нь бага үнээр хэрэглэгчдэд түгээдэг цор ганц улс. Үүнээс үүдэн эрчим хүчний тариф зардлынхаа 80 хүрэхгүй хувийг бүрдүүлж алдагдалд орсон тул энэ оны 11 дүгээр сарын 1-ээс эхлэн “цахилгаан болон дулаан”-ы үнэ тариф нэмэгдэх талаар УИХ-ын ээлжит бус чуулганаар яригдлаа.Дэлхийн банкны мэдээллээс харахад манай улс 825 тэрбум төгрөгийн санхүүгийн алдагдлыг эрчим хүчний салбарт хүлээхээр байгаа талаар онцолсон. Иймд цахилгааны үнийг 30 хувь, дулааны үнийг 50 хувиар нэмэхээр болсон тухай эх сурвалж мэдээлсэн юм.
Өнөөдрийн байдлаар айл өрхөд борлуулах цахилгааны тариф:
- Энгийн тоолууртай:
1 квт.ц цахилгаан эрчим хүчний үнийг 150 квт.ц хүртэлх хэрэглээг 110.49 төгрөгөөр, сарын хэрэглээний 151 квт.ц болон түүнээс дээш хэрэглээг 130.29 төгрөгөөр. Ахуйн тоолуургүй хэрэглэгчийн төлбөр тооцох сарын дундаж хэрэглээг 350 квт цагаар тооцох бөгөөд сэргээгдэх эрчим хүчийг дэмжих тариф буюу 11.88 төгрөг квт.цагийг цахилгааны тариф дээр нэмж тооцдог байна.
- 2 тарифт тоолууртай:
Өдрийн хэрэглээ /өглөөний 06:00 цагаас шөнийн 21:00 цаг хүртэл/ 1 квт.ц цахилгаан эрчим хүчний үнэ 116.39 төгрөг.
Орой, шөнийн хэрэглээ /оройн 21:00 цагаас өглөөний 06:00 цаг хүртэл/ 1 квт.ц цахилгаан эрчим хүчний үнэ 89.19 төгрөг.
Сарын суурь тариф: 2000 төгрөг
Дээрх үндсэн тариф дээр суурь хураамжийн 2000 төгрөг, НӨАТ-ын 200 төгрөг, МҮОНТ-ийн хураамж бүхий 850 төгрөг, баримтын 50 төгрөг, сэргээгдэх эрчим хүчийг дэмжих төлбөр квт тутамдаа 11.88 төгрөг, нийт хэрэглэсэн цахилгааны үнийн дүнгийн 10 хувь, хог хураамжийн төлбөрийг зуны улиралд 1500 төгрөг, өвлийн улиралд 2000 төгрөг нэмж тоцох аж.
Тоо бодьё:
Цахилгаан болон дулааны үнийн нэмэгдэл юунд нөлөөлөх вэ? :
Цахилгааны үнэ 30 хувь, дулааны үнэ 50 хувь нэмэгдвэл ард иргэд мэдээж шууд санхүүгийн дарамтад орох болно. Дагаад бүх юмны үнэ өснө.
- Тогны шууд 30 хувь өснө
- Сөх-ны төлбөр
- Махны үнэ
- Талхны үнэ
- Өргөн хэрэглээний барааны үнэ
- Бензины үнэ
- Үйлчилгээний газруудын үнэ
- Бүх хүнсний бүтээгдэхүүний үнэ гэх мэт шууд өснө. Гэхдээ цалин хөлс өсөхгүй.
