Эрүүл мэндийн дэд сайд Ж.Амарсанаа “Энэрэл” эмнэлгийн үйл ажиллагаатай танилцав. Тус эмнэлгийг 1998 онд Эрүүл мэнд, нийгэм хамгааллын сайд болон нийслэлийн Засаг даргын хамтарсан шийдвэрээр Улаанбаатар хотын эмзэг бүлгийн иргэдэд эмнэлгийн хоёрдогч шатны тусламж үйлчилгээ үзүүлэх зорилгоор анх байгуулж байсан юм. Энэ үеэр эмнэлгийн дарга Ш.Хүрэлчулуун дэд сайдад хандан эмнэлгийн барилгын ажлыг түргэвчлүүлж, сүрьеэгийн тасгийг ХӨСҮТ-рүү шилжүүлэх саналтай байгаагаа хэлэв. Учир нь сүрьеэ бол амьсгалын замаар халдварладаг халдвар өвчин. Гэвч тус эмнэлэг дэх энэ өвчний тасаг зориулалтын бус барилга байгууламж буюу подвальд байрлаж байгаа нь халдвар хамгааллын дэглэм алдагдахад хүрч байгаа юм. Тиймээс сүрьеэгийн тасгийг шилжүүлэх хүсэлтэй байгаагаа яамны удирдлагадаа илэрхийллээ.