Шар усны үерээс урьдчилан сэргийлэх ажлыг 11 дүгээр хороонд 6 дахь өдрөө зохион байгуулж байна. 70 орчим албан хаагчид 30 орчим техник хэрэгсэлтэйгээр ус соруулах, суваг шуудуу татах ажлыг зохион байгуулж байгаа юм.

Мөн дүүргийн хэмжээнд шар усны үерт өртөх эрсдэлтэй хороо, айл өрхүүдэд дүүргийн газар зохион байгуулалтын алба, Онцгой байдлын хэлтэс зэрэг мэргэжлийн байгууллагаас зөвлөмж, шаардлага хүргүүлж байна. Тавьсан шаардлага, зөвлөмжийг дагаж мөрдөхийг иргэдээс уриалж байна гэж Баянзүрх дүүргээс мэдээллээ.