ШШГЕГ-ын харьяа Мааньт дахь хорих 415 дугаар ангид ял эдэлж байсан дөрвөн ялтан өчигдөр 14:00 цагийн орчим оргожээ. Одоогоор оргосон хоригдлуудаас гурвыг нь баривчилсан байна.  
ШШГЕГ-ын Олон нийттэй харилцах албаны мэргэжилтэн Х.Баясгалангийн хэлснээр бол аас Мааньт дахь хорих ангийн байрны багтаамж хүрэлцэхгүйгээс шинэ хорих байр барьж байгаа. Ялтнууд барилгын ажил хийж байгаад оргосон гэнэ.   Тиймээс ШШГЕГ-ын эрэн сурвалжлах алба шуурхай ажиллаж гурван ялтныг оргосноос хойш 10 цагийн дотор Улаанбаатар хотоос олж баривчилсан байна. Нөгөөг нь олохын тулд эрэн хайх ажиллагаагаа үргэлжүүлж байгаа.
Оргосон ялтнууд 20-25 настай. Дөрвүүлээ хулгайн хэргээр ял эдэлж байсан гэнэ.