Улаанбаатар зочид буудлын өмнө байрлах В.И.Лениний хөшөөг нийслэлийн өмчөөс хасч, буулгах шийдвэрийг Улаанбаатар хотын захирагч Э.Бат-Үүл гаргасан билээ. Үүний дагуу Нийслэлийн Өмчийн газар уг хөшөөг энэ сарын 14-нд буулгахаар болж. Гэхдээ хөшөөг зүгээр буулгаад хаях бус, дуудлага худалдаанд оруулж зарах гэнэ.
Дуудлага худалдааны анхны үнэ 400 мянган төгрөг байх нь. Харин эл хөшөөний оронд Монгол Улсын Ерөнхий сайд асан А.Амарын хөшөөг босгох бололтой.

Д.Мөрөн