“Хавдрын эсрэг үндэсний аян-2012”-ын тайланг өнөөдөр  Хавдар судлалын үндэсний төвд хэлэлцлээ.  Хавдар нь манай улсын нас баралтын хоёрдугаар шалтгаан болоод байгаа. Иймээс хорт хавдраас  урьдчилан сэргийлэх, иргэдэд энэ төрлийн мэдлэгийг олгох нь тулгамдсан асуудал болоод байгаа учир  хорт хавдар хамгийн их  тохиолддог  Өмнөговь, Увс, Булган, Хөвсгөл зэрэг 12 аймгийг аянд хамруулсан юм. Аяныг хоёр жилийн өмнөөс хэрэгжүүлж эхэлсэн.  Мөн аяны хүрээнд 21 аймаг Улаанбаатар хотын есөн дүүргийн  хавдар судлаач эмч нарт “Хорт хавдрын оношлогоо эмчилгээний стандарт”  сэдэвт сургалтыг зохион байгуулжээ.