Гар дээрээ хүлээн аваад удаагүй байгаа цахим үнэмлэхээ үрэгдүүлчихээд дахин авахын тулд өндөр хэмжээний төлбөр төлөх шаардлагатай болоод байна гэсэн иргэдийн гомдол сүүлийн үед хэвлэлүүдээр их гарч буй. Тэгвэл цахим үнэмлэхээ үрэгдүүлсэн тохиолдолд тийм өндөр төлбөр төлөх шаардлагагүй гэж Ерөнхий сайд Н.Алтанхуяг мэдэгдлээ. Ерөнхий сайдын мэдээлснээр иргэний цахим үнэмлэхээ хаясан, үрэгдүүлсэн хүн энэ ондоо бол үнэгүй авах бүрэн боломжтой. Харин ирэх оноос 15 мянган төгрөг төлж авах ёстой юм байна.