Хотын мэр Э.Бат-Үүл нийслэлийн замын хөдөлгөөний ачааллыг бууруулахын тулд тээврийн хэрэгслийн улсын дугаарын сүүлийн цифрээр замын хөдөлгөөнд оролцуулах захирамж гарган, хэрэгжүүлж байгаа. Хоёр сар мөрдөх ёстой эл захирамжийн хугацаа энэ сарын 27-нд дуусна.
Тээврийн хэрэгслийн улсын дугаарын сүүлийн цифрээр замын хөдөлгөөнд оролцуулснаар замын хөдөлгөөний ачаалал тодорхой хувиар буурч, үр дүн гарсан хэмээн албаныхан болон иргэд ам сайтай байна. Тиймээс ЗЦГ-аас дээрх шийдвэрийн хугацааг сунгах эсэх талаар нийслэлд энэ сарын 22-ноос бүх нийтийн санал асуулга явуулахаар болжээ. Санал асуулгын дүнгээс шалтгаалж, цаашид хэрхэхээ шийдвэрлэх юм байна.