Монголын Үндэсний Худалдаа Аж Үйлдвэрийн Танхим  Хятадын Энхтайвныг Хөгжүүлэх Сантай хамтран Хятад-Монголын найрамдлын тэтгэлэгт хөтөлбөр хэрэгжүүлж, мэргэжилтэй ажилчин бэлтгэх сургалтыг хамтран зохион байгуулах гэж байна. Хөтөлбөрийн хүрээнд эхний ээлжинд талх нарийн боов, эсгий, эсгий бүтээгдэхүүн боловсруулах, барилга, засварын гэсэн гурван чиглэлээр энэ ондоо багтааж 100 хүн сургалтад хамруулах ажээ. Сургалтад хамрагдах иргэдийг хөдөө орон нутгаас  түлхүү оролцуулах бодлого барьж, 16 аймгаас бүртгэл хийжээ.
Уг хөтөлбөрийг ирэх баасан гаригт нээх Үйлдвэр, Хөдөө аж ахуй сайд Х.Баттулга, Хөдөлмөрийн сайд  Я. Санжмятав, Боловсрол, Шинжлэх Ухааны сайд  Л.Гантөмөр МҮХАҮТ-ын удирдлага зэрэг албаны хүмүүс оролцох юм байна.