Замын хөдөлгөөнийг бууруулах шийдвэр хэрэгжиж эхэлсэн цагаас хойш автобусууд Зүүн дөрвөн замаас Саппорогийн уулзвар хүртэл нэгдүгээр эгнээгээр зорчиж байгаа. Нийтийн тээвэр, Замын цагдаагийн газар, иргэдээс ирсэн хүсэлтийн дагуу энэхүү нэгдүгээр эгнээний замыг Зүүн дөрвөн замаас Офицеруудын ордон болгож, Саппорогийн тойргийг цааш Таван шар хүртэл сунгахыг ажлын хэсгийнхэн дэмжлээ.
Мөн хотын төвөөс бусад хэсгийн гурван эгнээтэй замын нэгдүгээр эгнээг нийтийн тээвэрт чөлөөлж өгөхөөр тогтлоо. Хоёр эгнээтэй замын нэгдүгээр эгнээнд нийтийн тээврийн хэрэгсэл давуу эрхтэй гэсэн тэмдэглэгээ хийхийг санал болголоо.