Нийслэл хот байгуулагдсаны 373 жилийн ойд зориулсан арга хэмжээнүүд өдөр бүр болж байгаа билээ. Ойн хүрээнд Улаанбаатар хотын захирагч бөгөөд нийслэлийн Засаг дарга Э.Бат-Үүл энэ сарын 29-нд UBS телевизээр шууд нэвтрүүлэгт оролцох аж. Энэ үеэр иргэдээс ирсэн асуултад хариулах юм байна. Тиймээс иргэдийн асуултыг нийслэлийн лавлагаа мэдээллийн төвийн 1200 дугаарын утсанд авч эхэлжээ. Нийслэлийн иргэн танд Улаанбаатар хотын дарга Э.Бат-Үүлээс асуух зүйл байвал энэ утсаар өгч болох нь.
Мөн нийслэлийн иргэдийн санал, гомдол, өргөдөл хүлээн авах 1200 дусгай дугаарын утас, нийслэлийн нутгийн захиргааны байгууллагуудаас иргэдэд үзүүлж байгаа төрийн үйлчилгээний лавлагаа мэдээллийг 1234 дугаарын утсаар авч буй аж. www.ub1234.mn цахим хаягаар санал гомдолоо илгээж болох юм байна.