Европын хөгжил шинэтгэлийн банк энэ 2012 онд улс орнуудын эдийн засаг хэдий хэмжээгээр өсөх тухай улирал тутмын шинэ судалгааны дүнгээ гаргахад Монгол Улс ДНБ-ний өсөлтөөр хамгийн өндөр буюу 11,5 хувь болно гэсэн дүн гарчээ. Манайтай ойролцоо Туркмений ДНБ-ний өсөлт  10, Узбекийнх  7,5 хувь болох гэнэ. Манай умард хөрш оросын ДНБ энэ жил ердөө л 3,2 хувь өсөх төлөв гарсан байна. Төв болон дорнод европ, Балканы хойг, Төв Ази, Тусгаар улсуудын хамтын нөхөрлөлийн гишүүн орнууд, газар дундын тэнгисийн өмнөд болон дорнод орнууд гээд 33 оронд ДНБ-ний өсөлт нь 2,7 хувь хавьцаа байж хадгалагдана гэсэн байна.