Ус, цаг уур, орчны хүрээлэнгээс боловсруулсан цаг агаарын урьдчилсан төлөв мэдээгээр 10 дугаар сарын 31-нд баруун зүгийн нутгийн хойд хэсгээр, 11 дүгээр сарын 1-нд нутгийн баруун хагаст, 2-нд ихэнх нутгаар, 3-нд нутгийн зүүн хагаст цас орж, салхи 11 дүгээр сарын 1-нд зарим газраар, 2-3-нд Алтайн салбар уулс болон говь талын нутгаар 18-20 м/с хүрч хүчтэй цасан шуурга шуурах бөгөөд цаашдаа хүйтний эрч чангарах төлөвтэй байна. Иймд:
              1. Салхи, шуурганы үеэр иргэд шуурганд төөрөх, малтайгаа уруудах, осгох, амь насаа алдах зэрэг эрсдэлээс хамгаалах, бага насны хүүхэд, өндөр настай болон хөгжлийн бэрхшээлтэй иргэдийг малд явуулахгүй байх;
              2. Тээврийн хэрэгслийн жолооч нар батлагдсан зам чиглэлийн дагуу зорчих, зорчигчдын аюулгүй байдал, шатахууны нөөц, техникийн бүрэн бүтэн байдлыг хангахыг Онцгой байдлын ерөнхий газраас анхааруулж байна.