Монгол хоолыг хуушуургүйгээр төсөөлөхийн аргагүй. Тэгвэл монголчуудын хамгийн их хөлхдөг “Нарантуул” захад хуушуур хийхийг хориглосон учир эндэхийн аль ч цайны газраар орсон хуушуурын бараа харахгүй л болов уу. Ингэснээр хуушуур хийж зардаг олон хүн ажилгүй, орлогогүй болов. Хуушуур хийхийг хориглосноо захын удирдлага “Хүнсний захад хиншүү хярвас ханхлуулахыг Мэргэжлийн хяналт болон эрүүл ахуйн байгууллагаас зөвшөөрөхгүй” болсонтой холбож байна. Агааржуулагчтай битүү павильонд яагаад хуушуур хийж болохгүй гэж хэмээн цайны газрынхан эсэргүүцэж байна. Захын түрээслэгчид дэндүү туйлширч, борчуудын амьжиргааг бодохгүй байна гэцгээж сууна.