Турах, эрүүл байхад эрүүл хоол хүнс хамгаас чухал гэж бид мэддэг. Гэвч эрүүл хоол гэхээр хоол хүнсэндээ л анхаараад уух зүйлээ мартчихдаг. Тэгвэл бидний ууж буй ундаа ч эрүүл мэндэд сайн, муу нөлөөтэй байдаг.  Тэр дундаа дараах ундаанууд бие, эрүүл мэндэд муу гэдгийг судлаачид сануулж байна. Нэгдүгээрт жимсний шүүс. Мэдээж өөрсдөө жимсээ шахаас шүүсийг нь гаргасан бол хамгийн эрүүл ундаа мөн. Гэвч үйлдвэрийн савласан жүүснүүд цэврээрээ байх нь тун ховор, дээр нь саахар ихээр агуулсан байдаг. Тиймээс үйлдвэрийн шүүс авах гэж байгаа тохиолдолд 100 хувь гэсэн бичигтэй, эсвэл саахаргүйг нь сонгохыг зөвлөе.
Хоёрдугаарт, лаазалсан хүйтэн кофе. Ийм кофе дангаараа 170 грам хүртэл саахар агуулдаг бөгөөд 800 калори нэмэх аюултай. Гуравт, амталсан ус. Зарим цэвэр усанд янз бүрийн витамины амт оруулсан байдаг. Энэ нь ердийн уснаас хавьгүй амттай ч зүгээр саахар хутгасан уснаас ялгаагүй бөгөөд амт оруулагч, саахар гээд калори нэмэх зүйл агуулсан байдаг. Эдгээрээс гадна спортын, энергийн ундаануудыг аль болох уухгүй байх хэрэгтэй. Эдгээр ундаа спортлог, эрүүл хүмүүст зориулсан атлаа маш их каффейн, саахар агуулдаг.