Япон улсын зүрх судасны эмгэг согогын нарийн мэргэжлийн эмч нар Эх нялхасын эрүүл мэндийн үндэсний төвд байнга хяналтад байдаг хүнд өвчтэй 30 гаруй хүүхдэд эмчилгээ хийхээр болжээ. Тус эмч нар Японы “Heart saving project (HSP)”  төрийн бус байгууллагаас бүрдсэн сайн дурын эмч нар юм байна. Дээрх эмчилгээг энэ сарын 19-27-ны өдрүүдэд хийх гэнэ. Тус байгууллага 11 жилийн өмнөөс манайд үйл ажиллагаа явуулж эхэлсэн бөгөөд  энэ хугацаанд хот, орон нутгийн нийт 2546 гаруй өвчтөнд оношлогоо хийн, 338 гаруй өвчтөнд зүрх сэтгүүрдэх аргаар эмчилгээг үнэ төлбөргүй хийжээ.