Дуучин Б.Амархүүгийн найз охин чамгүй авьяастай нэгэн бололтой. Өчигдөр “UB Palace”-д болсон “Гэртээ хүрэх зам” тоглолтын үеэр тэд хамтдаа дуулсан нь Б.Амархүүгийн тоглолтын хамгийн том сюрприз байлаа.
ОХУ-ын Гавьяат жүжигчин, ОХУ-ын Буриад улсын Ардын жүжигчин дуучин Б.Амархүү Монгол дахь анхны бие даасан тайлан тоглолтоо хийхдээ монгол фэнүүддээ хайртай бүсгүйгээ албан ёсоор танилцуулсан нь энэ байв. Түүний найз бүсгүй нь “Big Fish” кинонд хамтран тоглосон загвар өмсөгч О.Ариунзул билээ. Б.Амархүү найз бүсгүйтэйгээ хамтдаа дуулсны дараа “Миний хайртай бүсгүй Ариунзул” хэмээн танилцуулаад, фэнүүдийнхээ өмнө үнссэн юм. Б.Амархүүгийн хайрыг татсан О.Ариунзулын талаар товчхон танилцуулахад тэрээр “Шилмэл загвар” агентлагийн загвар өмсөгч, Хүмүүнлэгийн ухааны их сургуульд банкны эдийн засгийн чиглэлээр суралцдаг оюутан гэнэ. Дорнод аймагт 10 жил төгссөн тэрээр Азийн супер модель тэмцээнд хоёрдугаар байрт шалгарч Азийн топ модель гэсэн өргөмжлөл хүртсэн Монголын ирээдүйтэй загвар өмсөгчдийн нэг аж. Тэрээр мөн өнгөрсөн оны Гоёл наадмаас Германы “Grundig” брэндийн нүүр царай болох шагнал гардаж байсны дээр Өвөрмонголын Ордос хотноо болсон “Монгол туургатны гоо бүсгүй, гоо залуу” шалгаруулах тэмцээний топ 10-т багтаж байжээ. Үүнээс харвал Б.Амархүүгийн найз бүсгүй дуулдаг, бүжиглэдэг, загвар өмсдөг гээд найз залуугаасаа дутахгүй авьяаслаг нэгэн бололтой.

Big Fish киноны зургаас..

Шилмэг загвар агентлагийн ирээдүйтэй загвар өмсөгч О.Ариунзул

Азийн супермодель тэмцээний үеэр..