“Хүчит шонхор” зах дээр “Стандарт мах” компанийн нээлттэй өдөрлөг болж байна. Энэ өдөрлөгийн хүрээнд тус компанийн бэлтгэсэн мах, махан бүтээгдэхүүнийг зах зээлийн ханшаас доогуур үнээр зарж, борлуулж байгаа юм байна. Тухайлбал, 8500 төгрөгийн ханштай байгаа үхрийн махыг ястайг нь 5100, цул махыг нь 6000 төгрөгөөр борлуулж байгаа бол нэг кг хонины махыг 4200 төгрөгөөр худалдаж байна. Энэ нь сүүлийн үед магнаг болоод байгаа махны үнийг буулгах, тогтворжуулах зорилготой гэж өдөрлөг зохион байгуулж байгаа тус компанийнхан хэлж байна. “Стандарт мах” компанийн энэ өдөрлөгөөс үүдэн өнөөдөр “Хүчит шонхор” зах дээр худалдаалагдаж байгаа махны ханш ч багагүй хэмжээгээр буураад байгаа юм байна.