Шинэчлэлийн Засгийн газраас нийслэлийн гэр хорооллын иргэдэд зориулж Багануурын нэг тонн нүүрсийг 80 мянган төгрөгөөр худалдан борлуулж эхэлсэн. Гэтэл загасчны морь усгүй гэгчээр уурхайнхаа хажууд байдаг Багануур дүүргийн иргэд нэг машин нүүрсээ 150 мянган төгрөгөөр худалдан авдаг аж. Тэгвэл энэ асуудлыг УИХ-ын гишүүн Д.Эрдэнэбат Багануурын уурхайн захирал М.Отгонбаяртай ярилцаж тохиролцсоны үндсэн дээр нэг портер нүүрсийг 80 мянган төгрөгөөр худалдаалж байхаар тохиролцов. Ийн тус дүүргийн иргэд нэг машин нүүрсийг 150 мянган төгрөгөөр бус 80 мянган төгрөгөөр худалдан авах боломжтой болов.