Засгийн газраас гэр хорооллын иргэдэд Багануурын хямд
нүүрс олгохоор болж, хороо бүрт хямд нүүрс борлуулах хоёр цэг байгуулаад
байгаа. Тэгвэл өнөөдөр 18:00 цагийн орчимд Чингэлтэй дүүргийн 13 дугаар хороон буюу Хайлаастын хуучин эцэс орчимд хямд нүүрс олгохоор
тээвэрлэж явсан машин онхолдож 68 настай эрэгтэй хүн нас баржээ. Ослын
шалтгааныг тогтоохоор замын цагдаагийнхан ажиллаж байгаа юм. Гэхдээ урьдчилсан
байдлаар нүүрс борлуулах цэг нь хэтэрхий бартаа ихтэй газар байгуулснаас үүдэн
машин онхолдсон гэсэн урьдчилсан таамаг дэвшүүлээд байгаа аж. Тиймээс хэрэгт
машины жолоочийг буруутгах аргагүй гэдгийг цагдаагийн албан хаагчид хэлж байв.
Харин хямд нүүрс борлуулах цэг байгуулахдаа иргэд болоод тээвэрлэгч нарт
хүндрэлгүй газар байгуулах хэрэгтэйг энэ хэрэг анхаарууллаа.
Г.Даваа
