Шударга өрсөлдөөн хэрэглэгчийн төлөө газраас хөнгөлөлттэй үнээр эм олгодог эмийн сангуудад энэ талаараа үйлчлүүлэгчдэд харагдахаар самбар өлгөж байхыг шаардсан. Гэтэл дээрх шаардлагыг зарим эмийн сангууд хэрэгжүүлээгүй байна. Уг нь шаардсан ёсоор хөнгөлөлттэй үнээр авч болох эмийн жагсаалтыг дэлгэвэл иргэд зарим нэрийн эм тариаг 90 хувь хүртэлх үнээр хөнгөлж авах боломжтойг мэдэх учиртай. Гэтэл эмийн сангууд шаардлага биелүүлээгүйгээс иргэд өндөр үнээр эмээ худалдан авсаар байна.