Улс орон даяар бүх нийтийн сонгууль болж байгаа энэ өдөр орон даяар цаг агаар  тогтуун байна. Зүүн аймгуудын нутгаар баруун өмнөөсөө, бусад нутгаар баруун хойноосоо 5-10 метрийн хүчтэй салхитай байгаа бол говь талын нутгаар салхины хүч үл ялиг их 12-14 метр хүрч байгаа юм байна. Уулархаг нутаг, голуудын саваар хүйтэрч 14-19 градус, говь талын нутгаар 1-6 градус хүйтэн байгаа юм байна. Сонгуулийн ажилд садаа учруулахаар салхи, шуурга зэрэг байгалийн элдэв хүчтэй үзэгдэл болоогүй байна гэж Ус цаг уурын хүрээлэн мэдээлж байна.