Дуучин Рианна, Крис Браун хоёр харилцаагаа сэргээсэн гэдэг мэдээллийг няцааж байсан. Тиймдээ ч олны нүднээс далд болзохыг илүүд үзсэн бололтой. Америкийн шар хэвлэлүүдийн паппарац тэр бүр хүрч чадахгүй Берлинд болзсон ч бас л гэрэл зургийн дуранд өртжээ. Крис Браун Талархлын баярыг тохиолдуулан Берлинд шоу тоглолт хийх үеэр Рианна түүнтэй хамт баяраа тэмдэглэхээр Германд иржээ. Хэдхэн хоногийн өмнө 777 хэмээх долоон улсад долоон өдөр тоглох аялалт тоглолтоо дуусгасан Рианна экс найз залуугийнхаа шоуг үзэнгээ Берлинд амарсан бололтой. Тэрээр шоу тоглолтын дараахь үдэшлэгт Крис Браунтай хамтдаа байж байгаад  нэг машинд суун хаашаа ч юм явжээ.

Хэдийгээр Крис Брауны Европ дахь тоглолтын өмнөхөн эмэгтэйчүүдийн эрхийг хамгаалах хөдөлгөөнийхөн Рианнагийн Крис Браунд зодуулсны дараахь нүүрний шархтай зургийг барин эсэргүүцлээ илэрхийлж байсан ч гурван жилийн өмнөх Рианнагийн шарх аль хэдийнэ аньсан бололтой.   Экс найз залуутайгаа хамтдаа Талархлын баяр тэмдэглэн, хилийн чанадад шоудан, цагийг зугаатай өнгөрүүлсээр.

Үдэшлэг дууссаны дараа


Крис Браун Рианнагийн суусан машинд араас нь оров.