Анод банкны гүйцэтгэх захирал Д.Энхтөр, Тамгын газрын дарга Л.Уламбаяр, ТУЗ-ийн дарга Э.Гүр-Аранз, гишүүн Н.Даваа нарт холбогдох хэргийн шүүх хурал өнөөдөр 09:00 цагт Баянзүрх дүүргийн шүүхэд эхэллээ. Тэднийг Эрүүгийн хуулийн банкны тухай хууль тогтоомж зөрчиж, бусдын эд хөрөнгийг завшсан хэрэгт буруутгаж байгаа юм.
Эл хэргийг цагдаагийнхан одоогоос дөрвөн жилийн өмнөөс шалгаж эхэлсэн ч өнөөдрийг хүртэл шийдвэрлэгдээгүй. Хавтаст хэрэг нь прокурор, шүүхийн шатнаас хэдэнтээ буцсаны эцэст өнөөдөр л хэлэлцэж байна.
Анод банкны удирдлагуудын буруугаас болж 1200 иргэн хувьцаа худалдан авснаар хохирогч болоод буй. Банкны удирдлагууд болон Санхүүгийн зохицуулах хороо, Монголбанкны ажилтан гээд 14 хүнийг яллагдагчаар татаад буй гэнэ.