“Forbes”-оос гаргасан жагсаалтаар  Япон үндэсний хоол хамгийн эрүүл нь гэнэ.  Эрүүл мэндэд хамгийн тустай гэсэн үндэсний хоолтой 10 орны жагсаалтыг тус сэтгүүлээс гаргажээ. Ингээд япон үндэсний хоол бол хамгийн эрүүл нь бөгөөд тус үндэсний хүн амын 1.5 хувь нь таргалах өвчинтэй, мөн дундаж наслалт нь 82 гэнэ. Япончууд  загасны мах их иддэг мөн байцаанд дуртай. Мөн тэд хэзээ ч гэдсээ хагартал иддэггүй.

 Жагсаалтын хоёрдугаарт Сингапурчуудын хоол орсон байна. Хүн амынх нь дундаж наслалт япончууд шиг 82 бол 1.8 хувь тарган. Тэд ихэвчлэн будаа, загас, ногоо иддэг. Харин амттан нь ихэвчлэн калор багатай бүтээгдэхүүн байдаг.  Жагсаалтын гуравдугаарт хятадын үндэсний хоол оржээ. Учир нь Хятад хоолны гуравны хоёр нь ногоо байдаг. Дөрөвт Швед хоол:  Жимс, ногооноос гадна сүү, сүүн бүтээгдэхүүн , хар талх, загас үндэсний хоолонд нь зонхилох байр суурь эзэлдэг. Хүн амынх нь дундаж нас 81 байдаг, 11 хувь нь таргалалтад өртсөн гэнэ.
Ардаас нь Франц, Итали, Испани, Грек, Израиль,  Солонгос үндэсний хоол жагсчээ.