Монгол Улс олон улсын санхүүгийн мэдээллийн төвд орлоо. Тус улс 1,5 тэрбум долларын бонд дэлхийн зах зээлд гаргасан нь ийнхүү олон улсны анхаарлын төвд орж байна. Монгол Улс “Чингис хаан” нэртэй бондыг дэлхийн зах зээл дээр анх удаа гаргаж байгаа юм. Тэгээд ч энэ нь Испанийн үнэт цааснаас хямд байгаа нь олон улсны санхүүгийн зах зээлийнхний анхаарлыг татаж байна. “Төв Азийн энэ орны 10 жилийн хугацаатай үнэт цаас Испанийхыг бодвол хямд байгаа болохоор тэднийхээс хурван борлогдоно” гэж европын хэвлэлүүд бичиж байна.

Энэ бол дэлхийд хамгийн хурдтай хөгжиж байгаа улс болохоор Испанийг бодвол хамгийн бага эрсдэлтэй гэж Renaissance Capital-ын ерөнхий эдийн засагч Чарльз Робертсон тайлбарласан байна.
Эндээс орж ирэх хөрөнгөөр Монголоос Хятадын нутгаар дамжуулан Ази-Номхон далайн бүс нутаг руу тавих төмөр замын төслийг санхүүжүүлэх юм байна. Ингэснээр Монгол улс өөрийн экспортын байр сууриа бэхжүүлж, дэд бүтцээ сайжруулах юм гэж infpol.ru сайтад бичжээ.