Өчигдөр орой Шударга өрсөлдөөн хэрэглэгчийн төлөө газрын удирдах зөвлөл хуралдаж шатахуун импортлогчдод өмнө нь оногдуулаад байсан 17 тэрбум төгрөгийн торгуулийг нөхөн төлүүлэх шийдвэр гаргасан байна.
Шатах тослох материал хомсдоогүй, нийлүүлэгч Оросын талаас татвараа нэмэгдүүлээгүй байхад манай шатахуун импортлогч компаниуд  үгсэн хуйвалдаж шатахууны үнийг зохиомлоор өсгөсөн гэсэн үндэслэлээр тэдэнд ийм торгууль оногдуулсан ч ШӨХТГ-ын өмнөх удирдлага энэ торгуулийг хүчингүй болгосон байсан юм.
Энэ талаарх мэдээллийг өнөөдөр 10 цагаас ШӨХТГ-ын дарга О.Магнай албан ёсоор хэвлэл мэдээллийн хэрэгслээр зарлана.