Урд ургасан чихнээс хойной ургасан эвэр дээр гэж ирээд хөөрхий чихийг хэлмэгдүүлдэг. Гэтэл цагаа тулахаар чих үнэндээ л “лайтай” байж чаддагийг сонгомол барилдааны Гүржийн аварга 32 настай Лаша Патарая гэгч яруу тодоор харууллаа. Тэрээр 8,28 тонн жинтэй ачааны машиныг чихэндээ бэхэлсэн олсоор татан 21,5 метр газар чиржээ. Ингэснээр мань эр Гиннесийн дээд амжилтын номонд орохоор болов. Тэрээр энэ өвөрмөц дээд амжилтыг тогтоохын тулд хоёр сарын турш тусгай бэлтгэл хийсэн гэнэ.