УИХ-ын гишүүн С.Бямбацогтын өвлийн идэж Ховдоос иржээ. Тэрээр өвлийн идэшнийхээ дээжээр ямар хоол хийж идэхээ фэйсбүүкээр дамжуулан цахим найз нараасаа асууж байна. “Өвлийн идэж Ховдоос ирлээ. Адууны махаар бууз хийж идэх үү, цуйван хийж идэх үү” гэж асууж цахим найз нарынхаа санал сэтгэгдлийг сонсч байна. Сүүлийн үед хүмүүс зөв хооллолт хэмээн элдэв янзын ногоо идэж байхад эрхэм гишүүн адууны махыг хэрхэн шингээхээ асууж байна. Энэ лав зөв хооллолт гэхээсээ илүүтэй, хэн нэгэнд таалагдах гэсэн арга. Бүр тодорхой хэлбэл, энгийн байх гэж оролдсон хэтэрхий тэнэг арга. Ямартай ч төрийн түшээд 29 цахим найз нь санал бодлоо илэрхийлжээ. Найзуудын олонх нь бууз хийж идэхийг зөвлөсөн байв.
Яг үнэн хэрэгтээ махны үнэ магнаг болчихоод байгаа энэ үед өвлийн идэж гэж мөрөөдөх нь битгий хэл нэг кг мах аваад аятайхан шөлтэй хоол хийж идэх юмсан гэсэн мөрөөдөлтэй айл өрх олон байгаа гэдгийг эрхэм гишүүн ойлгож, “тогоондоо” баярхаасай билээ.