Дуучин Шакирагийн хэвлийд тээж буй анхны хүүхэд нь хүү гэнэ. Тэрээр хүүгийнхээ зургийг ЭХО-гоор авхуулсныг  найз залуу Жерард Пике нь Твиттер хуудсандаа нийтэлсэн байна. “Түүний анхны зураг, эгдүүтэй хөөрхөн” хэмээн бичсэн Жерард Пике  аав болох гэж буйдаа туйлын их баяртай байгаа бололтой. 35 настай дуучин Шакира, 25 настай хөлбөмбөгч Пике хоёр өнгөрсөн жилээс хамтдаа амьдарч эхэлсэн юм. Тэд хүүгээ төрөхөөс өмнө шинэ сайхан байранд орохоор одоо Испанийн Барселонад хувийн эдлэн бариулж байгаа ажээ.