Хуурамч хувьцаа гарган 1200 гаруй хувьцаа эзэмшигчийг хохироосон гэх хэрэгт буруутгагдан шалгагдаж байгаа “Анод” банкны удирдлагуудыг шүүх хурал энэ сарын 18-нд болно. Дөрвөн он дамнан шалгагдсан эл хэргийг өнгөрөгч сарын сүүлээр шүүхээр товлосон ч ирц бүрдээгүй гэсэн үндэслэлээр хойшилсон. 149 хавтаст хэрэг бүхий уг хэрэгт Нийслэлийн прокурорын газрын хяналтын прокурор О.Мөнхбаатар, С.Хишигжаргал, Х.Нямтайван нар хяналт тавьж буй. Тэдэнд  Эрүүгийн байцаан шийтгэх хуулийн 156.3, 148.4-т заасан үндэслэлээр нийслэлийн прокурор яллах дүгнэлт үйлджээ.