Ус цаг уурын хүрээлэнгээс энэ долоо хоногт цас орж, шуурахыг анхаарууллаа. Өнөөдөр зарим газраар, маргааш зүүн зүгийн нутгаар, 13, 14-нд нутгийн хойд хэсгээр цас орж, цасан шуурга шуурна.
Салхи ихэнх хугацаанд зарим газраар секундэд 12-14 метр хүрч ширүүснэ. Дархадын хотгор, Хүрэн бэлчир, Идэр, Тэс, Хараа, Ерөө, Туул, Хэрлэн, Онон, Улз, Халх голын сав газраар шөнөдөө -32-37 хэм, өдөртөө -19-24 хэм хүрч хүйтрэх нь ээ. Алтайн өвөр говь болон говийн нутгийн өмнөд хэсгээр шөнөдөө -14-19 хэм, өдөртөө -3-8 хэм, бусад нутгаар шөнөдөө -22-27 хэм, өдөртөө -12-17 хэм хүйтэн байна.