ОХУ-аас манай улсад гоц халдварт шүлхийтэй тэмцэх, урьдчилан сэргийлэх зорилгоор ариутгал халдваргүйжилтийн тусгай зориулалтай 22 ДУК автомашиныг  буцалтгүй тусламжаар олголоо. Тусламжийн машинуудыг тус улсаас  манай улсад суугаа Онц бөгөөд бүрэн эрхэт Элчин сайд В. В. Самойленко  аймгуудын Хүнс хөдөө аж ахуйн газрынханд хүлээлгэн өгсөн юм.. Энэхүү автомашин нь  цаг агаарын ямар ч  нөхцөлд үүрэг гүйцэтгэх чадвартай, халдваргүйтгэлийн уусмалыг бэлтгэх, 0+85 хэм хүртэл халаах, найман метр хүртэлх өндөрт хүчтэй  даралтаар шүрших чадвартай аж. Мөн нэг минутанд найман литрээс доошгүй шингэнийг мананцар маягаар шүрших чадвартай гэнэ.  Түүнчлэн жолоочоос гадна дөрвөн хүний суудалтай, бензин хөдөлгүүртэй, энэ онд үйлдвэрлэсэн машин гэдгээрээ онцлог юм байна.