Ш
Монголын сэтгүүл зүйн салбартаа анхдагч хэвлэл, мэдээллийн 10 байгууллагыг Монголын сэтгүүлчдийн эвлэлээс шинээр тодруулж батламж гардууллаа. Олон сувгийн өрсөлдөөнийг бий болгосон анхны телевиз “UBS” байсан бол “Eagle news TV”-ийг Монголд барууны сэтгүүл зүйн хэв маяг анхлан нэвтрүүлсэн гэдгийг батлав. Харин “Mongolian mining journal” сэтгүүлийг уул уурхайн чиглэлээр дагнасан анхны мэргэшсэн хэвлэлээр нэрлэлээ.  HD форматыг Монголд анх нэвтрүүлсэн телевизээр “Монгол ТВ” тодорч, “ЗА” телевиз редакцийн хараат бус байдлыг хэрэгжүүлсэн анхдагч боллоо. “Улаанбаатар таймс” сониныг тогтвортой ажиллаж байгаа хотын анхны сонин гэж тодорхойлсон бол “Хүлэг” сониныг орон нутгийн анхны чөлөөт хэвлэл болохыг батламжилсан юм. Мөн “Olloo.mn” мэдээллийн сайт нь цахим мэдээллийн анхдагч байгууллага, “Сансар кабель” ХХК өөрийн салбартаа анхдагч байсныг Монголын сэтгүүлчдийн нэгдсэн эвлэлээс баталсан юм.

Монголын сэтгүүлчдийн нэгдсэн эвлэлээс энэ оны эхнээс Монголын сэтгүүл зүйн хөгжлийн 99 жилийн ойг тохиолдуулан анхдагчуудыг тодруулж эхэлсэн билээ. Үүний хүрээнд 2012 оны гуравдугаар сард “Монголын үнэн”, “Ардчилал”, “Өдрийн сонин”, “Өнөөдөр”, “Шуурхай зар” сонин, МҮОНРадио, МҮОНТ, “25 дугаар суваг” телевиз болон “Монцамэ”, “News” агентлагийг салбартаа анхдагч 10 байгууллага болохыг батламжилж байсан юм.