Нийслэлийн Засаг даргын захирамжийн дагуу 2012-2013 оны халаалтын улиралд дулаан хангамжийн даралтын хүрэлцээ муу, нэмж барилга холбоход хүндрэлтэй, дулааны эх үүсвэрээс алслагдсан, өндөрлөг цэгт байрласан III, IV, XII, XIII, XV, XVI хороолол, Зайсан, 40 мянгат орчимд баригдсан  87 барилгад  “Дулааны техникийн нөхцлийн зөвшөөрөл” олгохгүй байхаар болжээ. Тиймээс иргэдийг дулааны холболтын зөвшөөрөлгүй барилга, байрыг худалдан авах, захиалга хийж хохирохгүй байхыг сэрэмжлүүлэв.  Зөвшөөрөлгүй баригдсан барилгууд хулгайгаар төвлөрсөн дулаанд холбосоноос  ойролцоо байрлах барилга байгууламжийн халаалт  доголдох, хөлдөх нөхцөл байдал үүсч байгаа аж. Зөвшөөрөлгүй холболт хийснээс үүсэх эд хөрөнгийн болон бусад хохирлыг хууль зөрчсөн байгууллагууд хуулийн дагуу бүрэн хариуцах юм байна.